Дахин боловсруулагдаагүй, аюултай хог хаягдлын байгаль орчинд үзүүлэх хор нөлөө улам өссөөр байна.
Та бүхэнд химийн гаралтай, аюултай хог хаягдлыг дахин боловсруулдаг эко үйлдвэр Tsetsuuh Trade-ийг танилцуулж байна.
“Цэцүүх ХХК” нь жилд нэг тонн гаруй аюултай хог хаягдлыг дахин боловсруулан 1.4 тонн орчим нүүрсхүчлийн хий ялгарахаас сэргийлж, байгальд ээлтэй бизнесийг хөгжүүлж буй юм.
Ногоон бизнес, жижиг дунд үйлдвэрлэлийг дэмжигч Голомт банк.
#СайнСайхныгСанхүүжүүлнэ #ГоломтБанк

Дэлхийн чанарын өдрийг тохиолдуулан жил бүрийн 11 дүгээр сарын хоёр дахь долоо хоногт Үндэсний чанарын чуулган зохион байгуулж, Үндэсний чанарын шагнал гардуулдаг уламлжалын дагуу “Үндэсний чанарын чуулган-2021” үйл ажиллагааг Монгол Улсын Шадар сайдын ивээл дор “Чанар-Тогтвортой хөгжил” уриатайгаар зохион байгуулагдсан.

Стандарт, Хэмжил Зүйн Газар, Монголын Үндэсний Худалдаа Аж Үйлдвэрийн Танхим жил бүр хамтран зохион байгуулдаг “Дэлхийн чанарын өдөр - Үндэсний чанарын 7 хоног”-ийг тэмдэглэн өнгөрүүлэх ажлын хүрээнд зохион байгуулсан "Үндэсний чанарын чуулган 2021" арга хэмжээний үеэр манай "Цэцүүх Трейд" компани хэрэглэгчдийг чанартай бүтээгдэхүүн, үйлчилгээгээр хангах, үндэсний үйлдвэрийн өрсөлдөх чадварыг сайжруулах, экспортыг нэмэгдүүлэх, импортыг орлосон компанийг шалгаруулан олгодог чанарын дээд шагнал болох "Үндэсний чанарын шагнал-2020" - Шилдэг аж ахуйн нэгж, байгууллага шагналыг Монгол Улсын Шадар сайд С.Амарсайханаас гардан авлаа.

Манай компани БОАЖЯ-аас байгаль орчинд ээлтэй техник технологи, инновацийн шийдэл, бараа бүтээгдэхүүнийг сурталчлан шинжлэх ухааны ололт амжилтыг бизнест нэвтрүүлэх ажлыг дэмжих үүднээс 8 дахь удаагаа зохион байгуулагдсан “Ногоон технологи - 2020" өдөрлөг, үзэсгэлэнд амжилттай оролцож, БОАЖ-ын сайд Д.Сарангэрэлээс нийгмийн хариуцлага болон байгаль орчны манлайлал үзүүлэн хандлагаа өөрчлөн, эх дэлхийгээ болон Монгол хүний эрүүл мэндийг хамгаалах орчин үеийн дэвшилтэт технологийг нэвтрүүлсэн аж ахуйн нэгж байгууллагуудад “НОГООН ГЭРЧИЛГЭЭ”-гээ гардан авлаа.

“Ногоон технологи 2020” өдөрлөгт анхны жилээ оролцсон “Цэцүүх Трейд” ХХК нь химийн аюултай хог хаягдлын хуванцар сав, баглаа, боодлыг дахин боловсруулж, устгадаг манай улсын анхны үйлдвэр юм.